Kel Amanbay, sorasalı,Ne aw qusdur jibergeniń?Aǵıw, qızıl, sarı jipek,Ayaq bawına órgeniń.
Biydiń ornı bolar tórden,Abıray tabarsań bul kárden,Qustı tutqan qalpelerdenKóp eken seniń kórgeniń.
Qustıń jemi toyat boldı,Qılǵan isiń uyat boldıQabıljannan zıyat boldı,Qustıń ishin júrgizgeniń.
Bul aq qustıń ármanı kóp,Ház etpedi ań awlap jep,Qustıń ishin súremen dep,Atalıqqa sóz bergeniń.
Bilmediń qádirini puldıń,Aq qustıń qanatın juldıń,Atalıqqa jaqsı qıldıń,Qadirdanlıq kóz kórgeniń.
— Berdaq - Tańlamalı shıǵarmalarınıń jıynaǵı
Lashın kibi kókke ushtı,Suńqar eken jeti pushtı,Ishi qızdı, suwǵa tústi,Qusqa jaqtı duz bergeniń.
Túp babańız Naǵadaydı,Yad áylep sen bir qudaydı,Jasıragór Amanbaydı,Xan alar kózi kórgenin.