Zaman neshik zaman boldı?Aqırı bolǵay aqıbet.Kewillerge qayǵı toldı,Qayǵı tarqaǵay aqıbet.
Xızmet etseń, xalıq ushın et,Zinhar námártke burma bet,Jamannan qash, awlaqqa ket,Qarası juǵar aqıbet.
Jamanlarǵa xızmet etseń,Doslıq miyrimin kórsetseń,Isti keying súyretseń,Is wayran bolar aqıbet.
Jaqsıǵa etseń xızmetti,Ol da eter kóp izzetti,Isiń bolıp bereketli,Sonda keliser aqıbet.
Áya doslar, tardur zaman,Bastaǵı bul kúnler jaman,Tas burshaqlı qara duman,Aqırı bolǵay aqıbet.
— Berdaq - Tańlamalı shıǵarmalarınıń jıynaǵı
Bastan kóp sawda keshirdim,Qolımnan suńqar ushırdım,Ǵapılda kárўan kóshirdim,Bolar ma endi aqıbet?
Berdimurat suwpı boldıń,Sen kimlerge usas boldıń?Mudam elge nesip quwdıń,Nesip bolmadı aqıbet.