ULÍM, TÍŃLA

Ulım, tıńla! Júrmen maydan ishinde,Iynimde bar jarqıraǵan jaw-jaraq.Eger jawdı jeksen etip barmasam,Sen esapla: onnan ólim jaqsıraq.

Ulım, tıńla! Babalardıń sózi bar:Mıákanıńa kirgen jawdı aydap shıq.Jawlar ushın hasla miyrim bolmasın,Kózlerin oy, júregine qılısh tıq.

Ulım, tıńla! Bul — jeńiske jollama,Júregimde ıza kegi qaynaǵan.Men bilemen, jerdi basıp jatır jaw,Qanǵa qumar, qasqır qanǵa toymaǵan.

Ulım, tıńla! Qasqır — qozı dushpanı,Sen qozımsań, seniń ushın men qorǵan.Watanımnan quwmaq ushın dushpandı,Irza bolma, oqqa bolmasam qalqan.

Ulım, ıńla! Kókten jawar qorǵasın,Qılıshlardan sel-sel bolıp aǵar qan.Xalqım ushın, baxtım ushın, sen ushın,Pidá bolsın jan ákeńnen shiyrin jan.

Ulım, tıńla! Jawdı jeńip baraman,Sel-sel bolıp qan aqsa da qoynımnan.Qara kózim, perzentim dep súygende,Erkelerseń, qushaqlarsań moynımnan.