Dúnya keń dep jıynay berme dúnyanı,Artıq dúnya málel berer basıńa.Ashkózlerdiń jurtta qalǵan jıyǵanı,Dúnyaxor dep adam kelmes qasıńa.
Dúnyanı dúnyaǵa jumsap óte ber,Saqıy qollarıńnan aylansın doslar.Jaqın emes uzaq jolǵa jetegór,Jaz dep jata berme, artında qıs bar.
Hár nárseniń ǵamı bolsın jayında,Asıp-taspa, mardamsıma, maqtanba,Haqı tiyer miynet qılǵan payıńa,Górqaw bolıp túsip qalma qaqpanǵa.
Adam bolsań adamlardan ayama,Alıs-beris degen ullı mártebeń.Mıń kárwan jayǵassın seniń sayańa,Sen er bolsań eliń menen bolǵıl teń.
Elden artıq neń bar seniń dúnyada,Súyenish-qorǵanıń seniń el bolar.Aqıl-huwshıń, ómirińdi ayama,
— XX ásir qaraqalpaq poeziyası antologiyası
Jalǵız óziń dúnya quwıp neteseń,El menen teń bolıp júrseń bul baxıt.Dúnya ushın bastı qurban etseń sen,Jalǵız basıń qor boladı hár waqıt.