BOLAR

Birew aydı qushar, birew qushar kın,Birew jaqtı súyse, birew súyer tún,Birew ıńıldamas, birew súymes ún,Hárkim tili menen qus alar bolar.

Barlıq nárse aqıl-huwıshqa kónedi,Hár nárse waǵında ósip-ónedi,Jerler máhálinde qulpı dónedi,Báhár, jaz, gúz ornın qıs alar bolar.

Bul kewil girshiktey ómirdiń ayı,Onıń hasıllıǵı júrekte jayı,Bir atım nasıbayday bazda jaǵdayı,Jayılǵan bul kewil qısılar bolar.

Adam bolsań qalıp qoymay tasada,Mıń jılǵa at qaldır, júz jıl jasa da,Taw menen taw hasla qosılmasa da,Adam menen adam qosılar bolar.

Aldına baslaydı batır palwanıń,Mánziline jetse tartqan kárwanıń,Orınlansa bul dúnyada ármanıń,Adamnıń tilegi usılar bolar.