Esigimniń aldındaǵı qara tal,Báhárde bórtedi jazda japıraqlap.Sıldır-sıldır eter seske qulaq sal,Terbeler, shayqalar sulıwlıq saqlap.
Gúmis japıraqları sıldırlaǵanda,Sulıw sóz aytqanday bolıp maǵan da,Sulıwlar súysinip sayran etkende,Ses esitiler qızlar sıbırlaǵanday.
Jazda japıraqları jasıl dónedi,Sayalasam maǵan quwat enedi,Babam tigip ketken eken nálińdi,Tamırıńnan mıń-mıń shaqa ónedi.
Kerekli jerinde jarasıǵımsań,Babamnıń kóziniń qarashıǵısań.Ós, órkenle, tamırıńdı jay tereńnen,Sen de bir ómirdiń jarasıǵısań.
— XX ásir qaraqalpaq poeziyası antologiyası