Adamzattıń janǵa házin,Gúllendirgen kewil jazın,Jaǵımtallı sózi-sazın,Tárip eteyin Muwsanıń.
Tańlandırǵan patsha, xandı,Saz benen eritken jandı,Bárshe baqsıǵa sultandı,Áўmeti asqan Muwsanıń.
Tárip etsem onı, doslar,Adamzattıń waqtın xoshlar,Qayırıladı ushqan quslar,Sazın esitse Muwsanıń.
Alaqayıslı duwtarı,Xalıqtıń súygen qarıydarı,Adamzattıń shın suńqarı,Sazın esitseń Muwsanıń.
Edenbaydıń jolı ullı,Keldi sózi Maqtumqulı,Hawazası jurtqa tolı,Lapızın kórseń Muwsanıń.
— Berdaq - Tańlamalı shıǵarmalarınıń jıynaǵı
Ótep baqsı, Allaniyaz,Hár jaǵınan qızıǵı az,Qıs kúnińdı etedi jaz,Sazın tıńlasań Muwsanıń.
Jumaniyaz, Qurban baqsı,Aytqan jerde túye bastı,Hawazı búlbilden jaqsı,Qustı qayırar Muwsanıń.
Qulmanbettiń sózi uyat,Xalmurattıń sazı zıyat,Sózleri óńsheń násiyat,Aqıl endirer Muwsanıń.
Baqsıǵa júyrik Bayniyaz,Shalqıp ótti qısıw hám jaz,Ayrılmaydı saz hám hawaz,Buǵan sózi joq Muwsanıń.
Qutlımurat, Serek degen,Hesh nársege kerekpegen,Tıńlaǵanlarǵa yosh kelgen,Sazın esitseń Muwsanıń.
Ájiniyaz sózdiń iyesi,Baqsılardıń súygen dosı,Xalıqtıń keltirgen yoshın,Sazın esitse Muwsanıń.
Sáyekeniń atı baqsı,Sazdan kóre sózi jaqsı,Shalabay sózge masaqshı,Bir awız sózi Muwsanıń.
Durısbergen hám Begniyaz,Saz-sózinde nátiyje az,Qurıladı jaǵımlı jaz,Sazın tıńlasań Muwsanıń.
Edenbay sózge kóp usta,Kerimbergen góne nusqa,Túri megzer alǵır qusqa,Kelbetin kórseń Muwsanıń.
Seytnazar hám Seytek degen,Ayttırsań tásir etpegen,Mereke sawǵan ep penen,Sózi sadaǵa Muwsanıń.
Ayeke menen Murtaza,Shertip ótti mudam qazba,Sazıw-sózinde joq maza,Laqabın esit Muwsanıń.
Qoldawlıda shın qaralpaqTárip etken shayır Berdaq,Basına qonıp dáwlet-baq,Sayrap ótipti Muwsanıń.