Mánjiwli, beksıyıq miner kemege,Háddine baq bizdi qońırat demege,Qızlardıń shıǵadı gewirek jemege,Seniń sallanısıń sálbige megzer.
Qońıratta Ǵaniybay malǵa ǵanıydı,Erejep sınshıńız kisi tanıydı,Biyleriń bir-birin sırttan sayıydı,Ibrayım Allashıń shaytanǵa megzer.
Biy bolıp qıtayda Pazılbek ótti,Qońırat Ernazarǵa kóp qaslıq etti,Puxarası tozıp tum-tusqa ketti,Malını gúrt alǵan shopanǵa megzer.
Ulıs ulamadan buzılsa neter,Iyshannıń ibiliske dáris úyreter,Kelinniń bóksesin shımshılap óter,Ulamań ibilisten azǵana megzer...
— Berdaq - Tańlamalı shıǵarmalarınıń jıynaǵı