Dilbarǵa megzeysiz men árman etken,Bir gezleri maǵan ákelgen baxıt.Jibergim kelmegen...Ketip qalǵansız,Sizlerdi ezilip esleymen, Waqıt!
Talay kúttim, talay shaǵladıq birge,Biraq, esimde joq xoshlasqanımız,Men qáterjam edim,Sizler esapsız...Tún tez kelip, keshirek atsın tańımız.
Búgin eglenbeysiz, sizler asıǵıs,Tınbay zımırasar, saat tilleri,Jáq, irkiwim kerek, alıp qalarman,Hár etken isimde... basqa bilmedim.
Haǵlaysız dáryalar súwretine kirip,Kózlerimdi ertken tırnalar bolıp.Izińizden qarap qalaman biraz,Kókirek sezimlerge ketedi tolıp.
Shıńǵırıp ótesiz poezdlar kibi,Tıpırshıy baslayman, qalmaw kerek kesh...
— XX ásir qaraqalpaq poeziyası antologiyası