Dúnya bolǵan sayın ilimge jetik,Haqıyqattıń altın taraǵı ketik,Muhabbat zamanı ketken be ótip,Ǵárip ashıq — Shahsánemler qayaqta?
Kókirekten azmaz shıǵarıp háwir,Sáwir kelse biraz boladı táwir,Eldiń táshwish júgi túskende awır,Talmay kótererlik beller qayaqta?
Kewiller hayrana, ármanlar tuwlar,Sezimler — qanatı qayrılǵan quwlar,Talıqsıp Aralǵa jete almas suwlar...Ámiwde siresken seńler qayaqta?
Hesh adam jazmıshta jazǵannan ozbas,Urpaqlar — ómirde qorǵandur tozbas,Úmit qayıqların ǵarq eter kóz jas,Móldiresip baqqan kóller qayaqta?
— XX ásir qaraqalpaq poeziyası antologiyası