1952–
Xalila Dáwletnazarov — shayır.
X. Dáwletnazarov 1952-jılı 10-fevralda Kegeyli rayonınıń Xalqabad elatıńda tuwıldı.
Ol orta mektepti pitkergennen soń 1970-1975-jılları Nókis mámleketlik kórkem óner uchilishesinde oqıǵan hám áskeriy xızmette bolǵan.
1977-jıldan baslap “Qaraqalpaqstan jasları” gazetasında ádebiy xızmetker bolıp isledi.
Bunnan sońǵı jılları Qaraqalpaqstan teleradiokompaniyasında teleredaktor, radioda muzıka bóliminiń baslıǵı, “Qaraqalpaqstan” baspasında redaktor, respublikalıq radionıń ádebiyat hám drama bóliminiń baslıǵı, “Erkin Qaraqalpaqstan” gazetası bas redaktorınıń orınbasarı lawazımlarında xızmet etti.
2009-jıldan “Ámiwdárya” jurnalınıń bas redaktorı.
Shayırdıń “Xat”, “Sen maǵan kerekseń”, “Sen jaqsı qızsań”, “Ashıq bolmaǵan kim bar”, “Xosh qal, jaslıǵım”, “Álўidaǵ, muhabbat, álўidaǵ”, “Dos bolıw hámmeniń qolınan kelmes” poeziyalıq kitapları basılıp shıqtı.
Onıń “Hásiret xáwiri”, “Paraxatshılıq haqqında sóz”, “Anamaxat”, “Búlbil pıǵanı”, “Iyesiz jurt”, “Qaraqalpaq bayazı”, “Ziyўariy shejire”, “Álўidaǵ muhabbat, xosh qal jaslıǵım» nasrıy poemaları bar.
X. Dáwletnazarov 1991-jıldan Jazıwshılar awqamınıń aǵzası.