XALÍQTAN ASQAN DANA JOQ

Meyli Áplatun bol, Elastun bol ya,Óz kewlińdi óziń sanamaǵıl toq.Meyli alıp desin, ya desin mayda,Bári bir xalqıńnan asqan dana joq.

Ol qalpıp jınaǵan sózdiń qaymaǵın,Kim júyrik, kim shaban bergen bayraǵın,Sen de onıń qazanında qaynadıń,Bile-bilseń xalıqtan asqan dana joq.

Xalıqtı qarapayım, nadan ǵoy deme,Onda insanlıqtan etpegil táme,AÁndiyshe artılǵan bir ushan keme,Bile-bilseń xalıqtan asqan dana joq.

Ol alım, hám dana, hám fáylasufdur,Sadası da bardı, bilgishi kópdur,Qayda júrseń — basıńa taj etip júr,Qıyal súrseń xalıqtan asqan dana joq.

Tartılsa shól bolar, tassa okean,Tawdı titiretken mártligi ayan,Zaman barda ol bar, ol barda — zaman,Qulaq túrseń xalıqtan asqan dana joq.

Aldımda asıma qattırǵan aǵıw,Tuwısqanlıq eris, doslıq arqawı,Qaraqalpaq — meniń súyengen tawım,Meniń ushın onnan asqan dana joq.