Ákemniń tiklegen ılay diywalı,Aylanıp barmaqta bir tóbeshikke,Baǵdan qalǵan alma aǵashı tek te,Meniń balalıqta kógertken talım,Qorıqshıǵa megzep eski jurttaǵı,Muńlı qosıq aytıp shuwıldar tek te.
Hámiwdi aǵısı tárk etkenindey,Eski mákandı qut tárk etken qashshan...Babam keler kúnnen kóp úmit kútip,Ákem baǵ kógertip, jasap ebindey,Qolda qısqa jibi gúrmewge kelmey,Sońǵı saparlarǵa atlanıp ketti.
Men júrgen soqpaqlar joǵaldı qashshan?Baǵqa suw ákelgen salmalar qáne?Bárin waqıt atlı shápáátsiz batır,Bunshelli ayawsız, jónsiz taplaǵan...
Kel, ornalas meniń kókiregime,Ata mákanım sen, qańırap atırǵan,Tuwılǵan mákanın umıtqan adam,«lnsan» degen atqa ılayıq ekenine,
— XX ásir qaraqalpaq poeziyası antologiyası