Bálki, muhabbattan eń áwel basta,Ana dóretkendur mınaw dúnyanı.Sońıra anadan baslanǵan ómir,Anasız atpaǵan álemniń tańı.
Sizler — gózzallıqtıń bálent shoqqısı,Miártlik, sadıqlıqta máńgilik úlgi.Ilahiy pútinliktiń sarras jartısı,Megzer ómirińiz ájayıp gúlge.
Sizsiz muhabbattı, erlik islerdi,Hátte, kóz aldına keltirip bolmas.Gúllentip atırsız tuwılǵan jerdi,Siz barda heshbir júk jollarda qalmas.
Sizler qıyınlıqtı, dáwir salmaǵın,Erler menen teńdey iyinleskensiz.El baxıtı ushın tógilip qanıń,Erlik miynet penen kózge túskensiz.
Artıq táriyplerdi súymessiz taǵı,Qızlar, gózzal kelinshekler-analar.Bálki, er adamnan emesdur daǵı,
— XX ásir qaraqalpaq poeziyası antologiyası
Perzent ushın oy bawırıń úzilip,Kámalǵa keltirmek payıńda bolar.Ármanlarıń monshaq yańlı dizilip,Perzent tárbiyası qıyın da bolar.
Leykin qıyınlıqtan nalıw bilmediń,Bóbegiń kúlimlese — álem gúlistan.Talay aqshamlarda kirpik ilmediń,Mehriń dárya, kórkiń ájayıp dástan.
Ashıq bolsın bárha aspanlarıńız,Qızlar, gózzal kelinshekler, analar.Sizler eń jaqın hám mehribanımız,Álemge muhabbat sizden taralar.