Tolıp-tasıp aqqan asaw dáryanıń,Jaǵasında qıyal súrgeniń bar ma?Birin-biri quwǵan nar tolqınlardıń,Jartasqa urılǵanın kórgeniń bar ma?
Jaslıq — ójet tolqınlarǵa megzeydi,Jalǵasa beredi, pitpes dawamı.Biri tuqım tókse, biri gúlleydi,Hasla sarqılmaydı, yoshı-ilhamı.
Jaslıq — quwnaqlıq ol,Súyiw hám dóretiw miyasar oǵan.Alǵa umtılıwlar, tınımsız gúres,Kóterińki ruwx jarasar oǵan.
Tolıp-tasıp aqqan asaw dáryanıń,Jaǵasında qıyal súrgeniń bar ma?Jaslıq payıtında tasıp ilhamıń,Emin-erkin kókirek kórgeniń bar ma?
Jaslıq megzer eken asaw dáryaǵa!
— XX ásir qaraqalpaq poeziyası antologiyası