Taxtakópir! Tuwılǵan jer degende,Tań shuǵlası nurın shashar tóbemde.Ana-tábiyat Bórshitawdan baslanıp,Yoshlanıp turǵanday «Qaratereń»de.
Xosh iyisli Qızılqumnıń giyası,Gózzallıqtıń naǵız galereyası.Shopan shertken sıbızǵınıń sestinde,Jańlap turar sahra simfoniyası.
Taxtakópir! Taxtakópir degende,Tábiyiy kúsh tolıp-tasar denemde.Tuwılǵan jer demekliktiń mánisin,Túsindirgim kelip turar álemge.
«Jańa dárya» tolqın! tabıstan,Men hám oǵan dárek náwpir aǵıspan.Alısqa at, jaqınǵa xat jollansa,Dıbirlisin esitemen alıstan.
Tuwılǵan jer! Taxtakópir degende,Gárip bolıp xat jazaman Sánemge.Sonda onıń muhabbatlı mawqına,
— XX ásir qaraqalpaq poeziyası antologiyası