Tolıbay Qabulov

    Tolıbay Qabulov — shayır.
T. Qabulov 1939-jılı 10-mayda Qaraózek rayonıń Qarabuǵa awılında, diyqan shańaraǵında tuwılǵan.
Ol Nókis awıl xojalıq texnikumın, Qaraqalpaq mámleketlik pedinstitutın pitkerip, “Qaraqalpaqstan” baspasınıń bólim baslıǵı, bas redaktordıń orınbasarı, Respublika Jazıwshılar awqamınıń juwaplı xatkeri, “Ámiwdárya” jurnalınıń bas redaktorı, Qaraqalpaqstan Respublikası Málimleme agentliginde aǵa redaktor bolıp xızmet etti.
    T. Qabulovtıń baspadan “Qara buǵa” (1964), “Ashıǵıńman” (1968), “Diydar” (1972), “Pátulla zor” (1974), “Sen tuwılǵan aqshamı”, (1981), “Ya vlyublen” (1985), “Sen meni qutlıqla” (1989), “Kapel” (1991), Pándiw-násiyat (1995) atlı toplamları basılıp shıqtı.
    Ol V.Gogoldıń “Taras Bulba”, A.Chexovtıń “Gúrrińleri”n, S.Mixalkovtıń “Altın qıshlaq” atlı belgili shıǵarmaların hám taǵı basqa tuwısqan xalıqlar ádebiyatınıń dóretpelerin qaraqalpaq tiline awdarǵan.
Shayırdıń qosıqları da tuwısqan xalıqlar tillerinde basılǵan.
    Ol “Qaraqalpaqstan xalıq shayırı” xúrmetli ataǵına iye boldı.
    T.Kabulov 1976-jıldan Jazıwshılar awqamınıń aǵzası.