QARAQALPAQSTANDÍ QALAY SÚYMESSEŃ

Qublası — Qarataw, arqası — Aral,Aspanda ushqan qus qayırılıp qarar.Ústirtte kisnegen atlardıń sesti,Jiydeli-Baysınǵa sıńǵırlap barar.Usınsha keń shegaraǵa úylesken,Qaraqalpaqstandı qalay súymesseń?

Merekede kórip «úyge bar» degen,Ajiniyazdıń dárti — xalıqtıń dárti eken.Qolǵa qálem alıp, xatqa salǵannıńBarlıǵınıń Berdaq mańlay aldı eken.Birin-biri sırttan barıp, biy desken,Qaraqalpaqstandı qalay súymesseń?

Telpeklerin sheship qoyıp ortaǵa,Hadal jasap, haǵın aytqan bárhama.«Óz tiline, óz dinine berk bolıp,Toyǵa barsa, burın barǵan, sonda da.Payın alǵan húrmet, izzet, ziynetten,Qaraqalpaqstandı qalay súymesseń?

Ernazarı emirenip elim dep,Allayarı hárbir taban jerim dep.Tartıslarda, telpek dirildespede,Xalqı ushın bolǵan qızıl gegirdek.Ul-qızına ullılıqtı úyretken,Qaraqalpaqstandı qalay súymesseń?

Awlaq júrip jala, ótirik-ósekten,Jaqsılardıń jaqsı jaǵın sóz etken.Sonnan shıǵar, batırları, hátteki,Kelgen jawdı qıyametlik dos etken.Bir kempirdi bir kempiri biykesh der,Qaraqalpaqstandı qalay súymesseń?

«Bismilla» júz aytılıp kúnine,Itibar berip barǵan ana tiline.Tabılǵan nan teńdey etip bólingen,Apa-qarındasqa, aǵa-inige.Máseleni jeti ólshep, bir keskenQaraqalpaqstandı qalay súymesseń?

Bekkem birlik bolǵannan soń uranı,Bárha hasıl bolǵan maqset-muradı.Sózi menen isi mudam bir bolıp,Hátte, kempir soyıspaǵa turadı.Igbal, baxıt tapqan hadal miynettenQaraqalpaqstandı qalay súymesseń?

Jetip búgin barlıq arzıw-ármanǵa,Kárwan tartıp barar Jipek jollarda.Jas jetkinshek áwlad quwanıp atır,Ata tegi márt adamlar bolǵanǵa.Qaraqalpaqstandı qalay súymesseń?Mubárek ıshqıńda qalay kúymesseń?!