Áy, adamlar, tuwısqanbız túbimiz,Nege tereń túsinbeymiz bunı biz?Bir topıraqtan jaralǵan soń, jarıqlıq,Jazdırılmay kiyatır ǵoy jubımız.Mártlik birge bolǵannan soń máńgilik,Jarı jolda qalǵan emes júgimiz.
Áy, adamlar, birimizdi birimizQádir tutsaq serquyashtıń nurı — biz!Buǵan tereń túsinbesek, ómirgeKelip-ketken bolmaymız ba qurı biz?Júginbesek tábiyatqa, táńirge,Kim boladı sonda kámbil pirimiz?
Tákirarlayman: tuwısqanbız túbimiz,Bir-birewge baylanıslı kúnimiz.Kim bolsaq ta, pir bolsaq ta, baribir,Ózimizdi sıylagannıń qulımız.Qattı ketsek, qaytsaq eger ıraydanÓmir ushın ol hám úlken burılıs.
— XX ásir qaraqalpaq poeziyası antologiyası