Men bir gózzalıqqa háwes shaydaman,Qıyalım juldızda, ózim aydaman,Basqa bilmes bir námálim jaydaman,Seniń kewilińdi bilgim keledi.
Ushırasqanda iybe saqlap qısınıp,Turǵanıńda gúldástesin usınıp,Nabada, sol gúldi qoysam túsirip,Mázi nazım ǵoy bul, alǵım keledi.
Men ózge baǵdaǵı sárwi bolsam da,Qoyıw sayamanlı, sánli bolsam da,Qus qanatlı, tawıs párli bolsam da,Men saǵan jarasıq bolǵım keledi.
Gey waqları orınsız, gá orınlı,Kóp kórinbey burıw salsam jolımdı,Jalǵız júrsem júregime qonımlı,Muhabbat qosıǵın aytqım keledi.
— XX ásir qaraqalpaq poeziyası antologiyası