Sawlatıń eleslep, túsip oyıma,Erk bermey bir xosh sezim boyıma,Sáhár waqta shıqsam dárya boyına,Júrek hallas urıp, shadlıq tolar ma.
Bul ıshqı dártinen bolsam da sayıl,Peshanama jazsa bolarman qayıl,Arman soqpaǵıma nur sewip ayım,Júregim dadına dawa bola ma.
Sırıń marjanbeken monshaq dizeyin,Qulpırǵan gúlmiseń saylap úzeyin,Tuyǵımda barımdı sen dep gizneyin,Janımda júrmege sawań bola ma.
Aqlansa ózińnen barlıq úmitim,Kewilim jámlenip bolar ma pútin,Júrek sandıǵımnıń tabalsa giltin,Íǵbalım otları lawlap janar ma.
— XX ásir qaraqalpaq poeziyası antologiyası