Jaslar zawıq qursa geyde jıyılıp,Mirát etip keler ediń qıyılıp,Waqtım joq-aw deymen ishten túyinip,Kewilińdi qıymayman, barmayın desem.
Dámelenbe, kútpe saǵan aytarım,Dep aytsam bilemen kewliń qaytarın,Dizip marjan sózli qosıq qatarın,Qıysını kelmeydi-aw, aytayın desem.
Hal sorasıp nege sálem bermedi,Deme hasla meni kózge ilmedi,Óz júregim óz deydime kónbedi,Úmitiń úzilmes, umıtshı desem.
Na ilaj kewlime jaqın kórippen,Usınday boların qaydan bilippen,Arnaǵan namańdı aytıp júrippen,Qosıǵıń unamlı aytpayın desem,Umitiń úzilmes, umıtshı desem.
— XX ásir qaraqalpaq poeziyası antologiyası