Al qızıl gúllerdi kórip shámende,Onıń sawlatına bolǵanman bende,Kel sáwer yar seyil eteyik birge,Desem baǵ seyiline kelermekenseń,Birge gúller terip júrermekenseń.
Arzıw ármanların aytqızıp kópke,Juldızlar jımıńlap turadı kókte,Kewlim qálep ketsem eger sol betke,Jollarıma ayday qararmekenseń,Muhabbat soqpaǵın salarmekenseń.
Shámenzardan saylap úzgen gúlińdi,Tuńǵısh baǵıshlaǵan jaslıq kewilińdi,Pák ıshqıma túsirmesten girbińdi,Kewlimdi máńgilik giznermekenseń,Gúl ashıǵı kibi izlermekenseń.