Sabaqtan kesh shıǵar edik,Men qalada oqıǵanda.Kún bata awıldan kelip,Kúter edi anam sonda.
Paxta zavod diywalınaSúyenip ol turar edi.Pútkil dúnya qıyalınaMen dep jolǵa qarar edi.
Tóbemdi hár kórgen sayın,Bir jıllı sóz aytadı ol.«Sharshadıń-aw, aylanayın»Dep basımnan sıypadı ol.
Qayta tuwǵanday quwanıp,Aldı-artıǵa qaramay-aq,Qarańǵıda qarıwlanıp,Barar edik jalań ayaq.
Iyt kórinse qarsımızdan,Qorıqpaǵanǵa usar edik.Adam shıqsa aldımızdan,Joldan shetke qashar edik...
— Búlbil uyası
Hám tóbemdi kórgen sayın,Quwanıp qol bılǵaǵanday.«Sharshadıń-aw, aylanayın!»Dep basımnan sıypaǵanday.