GÚMIS SUWLI JAGÍSÍM

Sálem meniń gúmis suwlı jaǵısım,Prezident «Doslıq» dep seni ataǵan.Gúmis suwlarıńda da kewil naǵısı,Aǵımlar shıraqlar nurın talasar.

Tańda bezenipseń, sulıwım meniń,Taldıń shaqasında aspan sızıǵı.Perdesi ashılǵan kórkem terezeden,Taralmaqta Qızminayım qosıǵı.

Júrek dúpirine qosılar sazı,Tereze aldına toplanar quslar.Quslar sestinde tańnıń hawazı,Quslar shuǵırında tańǵa alǵıslar.

Meniń gúmis suwlı jaǵısına-yadıń,Tariyx betin ashıp oynaydı tolqın.Jıllar shınjırınan úzilgen attıń,Tuyaqları kúshli, erkindir búgin.

Meniń ana sháhrim sulıw Nókisim,Hár insan táǵdiri — baxıtlı ıqbaldur.Qashan bunsha tatlı boldı gúl iyisi,Bul gúllerdiń atı húr istiqlaldur.

Soqpaqlar shetinde nuraǵan diywal,Gúlsiz, baǵsız, reńsiz úyler endi joq.Qaraqalpaq elin basqarǵan erler,Xalqın ırza etti, kewiller de toq.

Keń, rawan kósheler tutasıp jatar,Ullı Jipek joldıń mánzilleri.Tórtkúlden Kún shıǵıp Ustirtte batar,Keleshek hár jastıń kewillerinde.

Endi hár qıyaban kórkem hám de keń,Millet ruwxı kóshken ádiwli paytaxt.Keleshek táǵdiriń teńler ishre teń,Miymandos ata jurt — húr qaraqalpaq.

Ekinshi paytaxtı Ózbekstannıń,Sálem meniń gúmis suwlı jaǵısım.Bálentler sen menen millettiń dańqı,Nókisim ardaqlım, júregim janım.