Baǵlar gúllep atır kewlimdey tasqın,Názik bir shaqaǵa gúl bolıp qondım.Men onı tapqansha talay adastım,Íssı-suwıǵına bárqulla kóndim.
Daraqlar bawırın keńnen ashtılar,Harıǵan ruwxıma men taptım gúlbaǵ.Baǵdaǵı hár náwshe gózzal ediler,Quyashqa kóterip turǵan soń topıraq.
Men qonǵan shaqa hám japıraqlar jazıp,Ǵumshalay basladı báhár kelgende.Párwazǵa shaylandım keń qanat jazıp,Aydın sáhárlerde quyash kúlgende.
Ushtım keńislikler berdi kúsh-qudiret,Páste dálde boldı uzın daraqlar.Talsam kelip qondım, baǵda muhabbat,Meni kóp saǵınıp, izlep soraqlar.
Bul baǵdan jıraqlap kete almaspan,Men ushın báhárdúr gúzi-qısı hám.
— XX ásir qaraqalpaq poeziyası antologiyası