1948–
Gúlistan Mátyaqubova — shayır hám jazıwshı.
Ol 1948-jılı Tórtkúl qalasında tuwılǵan. Tashkent mámleketlik universitetiniń jurnalistika fakultetin pitkergen. Bolajaq shayır dáslep rayonlıq gazetada, Jaslar awqamı jumıslarında isleydi, radio esittiriw komitetinde xızmet atqaradı, 1981-jıldan baslap Tórtkúl rayonlık gazetasınıń juwaplı xatkeri, soń bas redaktorı boladı. Ol 1985-jıldan baslap Qaraqalpaqstan Respublikası Jokarǵı Keńesiniń xatshısı, Joqarǵı Keńestiń Komitet baslıǵı, Qaraqalpaqstan Respublikası Joqarǵı Keńesi deputatı, Ózbekstan Respublikası Oliy Májilisiniń Nızamshılıq palatası deputatı boldı. Házirgi waqıtta “Qoraqalpoǵiston tongi” gazetasınıń bas redaktorı lawazımında isleydi. Shayırdıń “Baxt keltirgan bahor” (1982), “Hayajonning etti rangi” (1983), “Nurli kúnlar” (1984), “Oydin ostona” (1985), “Prekrasnoe chuvstvo” (1987), “Sevib qolsin” (1991), “Júrek penen júzbe-júz” (1992), “Zemlya otcov” (1992), “Aytgin menga Tўrtkўl xaqida” (1993), “Men sen uchun yashayapman” (1995), “Intizorlik” (1995), “Jayhun jaǵasında ósken bayterek” (1996), “Daryoga botayotgan kuyosh” (1998), “Izlaganlarim” (2000), “Oybaldoq” (2001), “Muhabbat yurti” (2003), “Qalb zuraati” (2004), “Qaytmoq uchun ketmokdaman” (2008) degen kitapları basılıp shıqtı. Ol “Ózbekstan Respublikasına miyneti sińgen mádeniyat xızmetkeri”(1983), Qaraqalpaqstan Respublikasınıń Berdaq atındaǵı mámleketlik sıylıǵınıń laureatı (1993), “Qaraqalpaqstan xalıq shayırı” (2002) boldı.
G. Mátyaqubova 1984-jıldan Jazıwshılar awqamınıń aǵzası.