Atasınan jaman tuwsa,Onı jaqsı dep kim aytar?Aqılsız hám nadan bolsa,Onı jaqsı dep kim aytar?
Adamdı adam demese,Azamat qádirin bilmese,Jılaǵanlardı kórmese,Onı ádil dep kim aytar?
Xalıqqa názer salmasa,Bostanlıq, jaylıq qılmasa,Ádil bolıp soramasa,Onı patsha dep kim aytar?
Jawız gúnasın bilmese,Bilip darına ilmese,Hámmeni birdey kórmese,Onı basshı dep kim aytar?
Jılaǵandı jubatpasa,Bawırlarına tartpasa,Xalıq tatqandı tatpasa,Onı sultan dep kim aytar?
— Berdaq - Tańlamalı shıǵarmalarınıń jıynaǵı
Haq – nehaqtı bilispese,Ádilsiz húkim islese,Túyilgen dawdı sheshpese,Onı qazı dep kim aytar?
Qara qıldı qaq jarmasa,Bolar isti ayta almasa,Aytqanı tuwrı bolmasa,Onı iyshan dep kim aytar?
Ǵaripke názer salmasa,Paqırǵa payda qılmasa,Gúngiralı jay salmasa,Olardı bay dep kim aytar?
Moynına pota shalmasa,Nápsine tıyım salmasa,Ózi minayım bolmasa,Onı suwpı dep kim aytar?
Qara suwdı tındırmasa,Qara tastı sındırmasa,Shólge awıl qondırmasa,Odambası dep kim aytar?
Jarq-jurq etip miyman kórse,Tapqanın qonaqqa berse,Malsız halın bayday kórse,Onı gáda dep kim aytar?
Qashırım sózdi ańbasa,Dáryaday aǵıp – tınbasa,Tillerinen pal tambasa,Onı sheshen dep kim aytar?