Jaman bolsa tuwısqanıń,Kúyip-pisip shıǵar janıń,Gúl júzińnen qashar qanıń,Ólseńdaǵı ol qaramas.
Malı bolsa neshe túlik,Jayaw qalsań bermes kólik,Ashıq joldı qılar ilik,Kóziń qalǵanda qaramas.
Sawarǵa sawın bolmasa,Qabıń ǵallege tolmasa,Bárshesi tayın turmasa,Jaman tuwısqan qaramas.
Basıńda bolmasa baǵıń,Ayta-ayta talar jaǵıń,Den sawlıqta altın taǵıń,Qıysaysań heshkim qaramas.
Malıń bolmasa qolıńda,Jatar dushpanıń jolıńda,Doslarıń bolıp janıńda,Hal-jaǵdayıńdı soramas.
— Berdaq - Tańlamalı shıǵarmalarınıń jıynaǵı
Hál dármanıń ketse boydan,Shıǵalmassań tereń oydan,Qalsandaǵı jıyın toydan,Atı barlar hesh qaramas.
Jetpese tonıń dizińe,Namıs etip óz-ózińe,Tonı tazanıń izineEriwge jigit jaramas.
Malı bardıń dosları kóp,Malsız júrer uwayım jep,Dúnyada saǵan eter ep,Ketken dáwlet hesh qaramas.