Áy doslar, aytıńshı hámmede til bar,Til degen bilgenge ómirlik mádar.Sóylep turǵan kewlińdegi barıńdı,Sulıwdıń sulıwı artıqmash dilbar.
Adamnıń bir kórki pal shiyrin tili,Mısalı sayraǵan baǵdıń búlbúli.Janıńa jan berip zeyiniń ashar,Báhárde ashılǵan shámenler guli.
Jigit dúr shashadı tilinde bolsa,Arıslan kúshleri belinde bolsa.Zeyniń, intası qısqası talant,Sóz benen sáwbeti tilinde bolsa.
«Hasıl tasta, aqıl jasta» degen bar,Aqıl kerek ozal bastan oylanar.Altın, gáwhar, marjan, dúrdiń bári de,Bilseńiz, doslarım tilińde bolar.