1912–1953
Ámet Shamuratov—shayır hám jazıwshı.
Á.Shamuratov 1912-jılı Xojeli rayonında tuwılǵan. Ol Xojelidegi internatta tárbiyalanadı, soń Shımbaydaǵı “Kommuna” mektebinde okıydı. Á. Shamuratov 1931-jılı Moskavaǵa oqıwǵa jiberiledi, jumısshılar fakultetinde oqıydı hám metropoliten qurılısında isleydi. 1938-jılı bul oqıw ornın tamamlap, Respublika bilimlendiriw ministrliginde inspektor, soń baspasóz orınlarında isleydi. 1947-50-jılları Ámet Shamuratov partiya mektebin pitkeredi. Qaraqalpaqstan Ministrler Keńesi baslıǵınıń orınbasarı, Nókis qalalıq partiya komitetiniń birinshi xatkeri, Jazıwshılar awqamınıń baslıǵı lawazımlarında isleydi. Onıń “Sıylıq” (1940), “Watan haqqında qosıkdar” (1943), “ Baxıt” (1949), “ Eski mekgepte”(1940), “Baxıt qosıqları” (1949) sıyaklı poeziyalıq, prozalıq toplamları basıldı. Jazıwshınıń Tańlamalı shıǵarmaları bir neshe mártebe qayta basıldı,( 1954-63), (1962-72) “Eski mektepte”, “Meniń jolbarıslar menen ushırasıwlarım” povestleri rus, ózbek tillerinde járiyalandı.
Á. Shamuratov “Aral qızı” (J. Aymurzaev penen birge), “Kırıq qız”(I. Yusupov penen birge) pesalarınıń avtorı. Ol orden-medallar, Ózbekstan hám Karaqalpaqstan Respublikası Joqarǵı Keńesinin Xúrmet jarlıqları menen sıylıklandı. Á. Shamuratov Karaqalpakstan Respublikasınıń Joqarǵı Keńesine deputat bolıp saylandı.
Á. Shamuratov 1941-jıldan Jazıwshılar awqamınıń aǵzası.