JAZDÍŃ AYÍ
Ámet ShamuratovQáddin tiklep kún qaradı,Súmbil shashların taradı,Naz etip qasın qaǵadı,Kirgeninde jazdıń ayı.
Názer salsam baǵı-bostan,Jaynaǵan zawqı-gúlistan,Mdıltigi joq bultsız aspan,Kirgeninde shadlıq mayı.
Kók darayı jer kiyingen,Mıń qubılıp túrler engen,Atız ishleri túrlengen,Mısalı jipek-páshshayı.
Ánjir, almalı, erikli,Sulıw sımbatlı, kórikli,Nıǵayǵan awıl birlikli,Jaz benen shıqqan shırayı.
Tolqınlasıp aqqan suwlar,Ǵańqıldasıp ushqan quwlar,Qulpı dóngen aq altınlar,Jılıtqanda kún ırayı.
— XX ásir qaraqalpaq poeziyası antologiyası