JASI ÚLKENLERIM

Sizge húrmet, Sizge qup ájep,Qollarımız qawsırıladı.Bas iyip tórt tárepTayın turadı.Sonday ájayıp ózi kimlersiz?

Toy-jıyın ótpes sizlersiz,Sonday ájayıp ózi kimlersiz?Daw-jánjel pitpes sizlersiz.Sebep: sizler jası úlkenlersiz!Jası úlkenlerim.

Ayıqanlarıńız altınday hasıl,Kewlińiz báhár, giyaday jasıl,Awır kelgen ólshewde tasıń,Jası úlkenlerim.

Adamlarsız bárine qanıq,Adamlarsız sózleri anıq,Júregi lawlaǵan janıp,Jası úlkenlerim.

Ómir qırlarınan asıp,Tenizdey tolısıp-tasıp.Otırıspaǵn qup jarasıqBolǵan, jası úlkenlerim.

Keshirimli hám úlken jan,Jaqsı joldas hám qádirdan,Bir kóylek burın tozdırǵan,Jası úlkenlerim.

Aldımızda ózlerińiz bar,Shiyrin-sheker sózlerińiz bar,Aqıllı-oylı kózlerińiz barKúlki oynaǵan júzlerińiz bar,Qádirdanım — jası úlkenlerim.

Bárińe taw dep qarayman,Hárbirińdi shıń dep sanayman,Tóbege shekem baslap shalǵaydan,Miyweli baǵ, jası úlkenlerim.