Eslep seni úyden shıqtım dalaǵa,Áste keldim teńiz boyı jaǵaǵa,Kún batsa da tınbay ushar shaǵala,Yar kórinbes alıslarǵa qarasam.
Aydınlar, aydınlar, shalqar aydınlar,Bizden sáwer yarǵa sálem aytıńlar.Tolqınlar, yarımdı alıp qaytıńlar,Yar kórinbes alıslarǵa qarasam.
Jarqıraǵan ay kórindi on tórtten,Nurın shashıp aydınlarǵa sen ketken,Jollarıńda sáwer yarıń tur kútken,Bálki, sen de meni eske alarsań.
Oramalım jalaw yańlı jelbirep,Ishqı otına jas júregim dildirep,Shırayıńdı kóz aldıma keltirip,Aydınlardan seni izlep turıppan.
Aydınlarda aq quwdayın júzgenim,Aw-duzaqtan altın balıq súzgenim,Jollarıńa telmiredi kózlerim,
— XX ásir qaraqalpaq poeziyası antologiyası