Adamlar sarplar quwatın, kúshin,Qalay sarplaǵanın jol aytıp óter.Kóp nárse joǵaltar keleshek ushın,Hátte, jaslıǵın da joǵaltıp keter.
Aǵa-aǵa uyıq teber dáryanı,Adam jasay-jasay keter dármanı,Biraq ázelden bar eski dúnyanı,Qaytadan jasartıp, jańartıp keter.
Adamnıń hárqashan maqseti biyik,Arzıw-ármanların turar nur súyip,Dúnya bunnan beter aǵarsın deyip,Hitte, saqal-shashın aǵartıp keter.
Ómir sulıw, jasasań da qıynala,Ómir sulıw, barmas kóziń qıymaǵa.Adam qartaysa da jaqtı dúnyaǵaQaray-qaray kózi qumartıp keter.
— XX ásir qaraqalpaq poeziyası antologiyası