Tólepbergen Mátmuratov

    Tólepbergen Mátmuratov — lirik shayır.
T.Mátmuratov 1939-jılı 1-sentyabrde Qaraózek rayonında tuwılǵan. Ol 1963-jılı Tashkent mámleketlik universitetin pitkerip, “Sovet Qaraqalpaqstanı”, “Jas Leninshi” gazetalarında, televidenie hám radio esittiriw Komitetinde isledi, 1969-jıldan baslap “Ámiwdárya” jurnalında poeziya báliminiń baslıǵı, juwaplı xatker, bas redaktordıń orınbasarı lawazımların atqardı.
    Shayırdıń shıǵarmaları 60-jıllardan baslap járiyalandı. Onıń “Ak terek pe, kók terek” (1964), “Lirika” (1966), “Gózzallıq oyandı” (1970), “Aysánem” (1973), “Ashılısıw” (1977), “Jaqsılıq sarayı” (1986), “Arzıw shámeni” (1981), “Juldızlar janar” (1989) degen toplamları basılıp shıqtı. Talantlı shayırdıń eki toplamı (1984, 1988) rus tilinde de jarıq kórdi.
    T.Mátmuratov awdarma tarawında A.S.Pushkin, M.Y.Lermontov, S.Esenin, V.Shekspir, Gyote taǵı basqalardıń shıǵarmaların qarakalpaq tiline awdardı. Ólmes talant iyesi Qaraqalpaqstan Respublikası Berdaq atındaǵı mámleketlik sıylıǵınıń laureatı (1986) boldı, ol “Ózbekstan Respublikasına miyneti sińgen mádeniyat xızmetkeri” degen xúrmetli ataqqa iye edi hám oǵan Qaraqalpaqstan Respublikası Jaslar awqamınıń sıylıǵı (1977) berilgen.
    T. Mátmuratov 1969-jıldan Jazıwshılar awqamınıń aǵzası.