Júrgenge ne jeter, dostım, haǵınaZaman hadallıqqa gáplesken búgin.Kirgendi kórmedim ráhát baǵına,Azabın, záhmetin shekpesten burın.
Bolmaǵan bul dúnya kimniń soramı?Óshpenlilik qashıqlatar aranı,Dúnya ázelden-aq bolǵan jaralı,Eski diywallardı oq tesken burın.
Kúnniń kózin búrkey almaydı perde,Shadlıq shan-sháwketi gezedi elde,Jaqsılıq tuqımın shashıńlar jerge,Jamanlıq tuqımın shashpastan burın.
Ana mehiri bolmaǵanda eger deAdamzat balası ónip-óser me?Isenbeymen jer jasardı, degengeQuyash nur-sáwlesin shashpastan burın.
Biziń gózzal Watanımız — Tań eli,Jeti jurtqa jeter qızǵın sálemi,Adam adamlarǵa jetsin áweli,
— XX ásir qaraqalpaq poeziyası antologiyası
Baxıttıń quyashın parlatıp ketiń,Ómirdiń juldızın jaynatıp ketiń,Máńgilik estelik ornatıp ketiń,Máńgilik uyqıǵa ketpesten burın.