SHAǴALA HÁM QARLÍǴASH

Uyaǵa júrgen suw tasıp,Qarlıǵash penen duslasıp.Shaǵala dedi: — Hal qalay,Pamir tawda qar qalay?

Eriwi qalay, muz qardıń?Aralım shóllep tur, janım?Suw tamar ma bizlerge,Báhár, jaz hám gúzlerde?

Kózim duzdan ashıp tur,Aralım qáhár shashıp tur!— Qáterjam bol, apajan,Kórgenin kózdiń aytaman.

Pamirdiń mol muz, qarı,Muz oranǵan shıńları.Fedchenko erir dım saqıy,Sóz joq, bıyıl suw tasır.

Kóz ashtı kók kóz bulaqlar,Qulın aǵısı oynaqlar.Nesiybe kem bolmaydı,Aralın pallar tańlaydı.

Quwana ber, apajan,Suw keledi saǵadan!Qarlıǵashtiki durıs ǵoy,Jaqsı sóz yarım ırıs ǵoy.

Shadlanǵannan shaǵala,Súysinip qarap Aralǵa, —Párwaz áylep jigerli.Kóz jas tógip jiberdi!..