AYDÍN

Túrli quslar sayraydı,Gúl kómkergen shetinde.Appaq sáwle oynaydı,Kók lipastay betinde.

Samal da joq «elp» eter,Tınıp tur suwı shırshaday.Ayna beti búlk eter,Shorshıp shıqsa bir shamay.

Kún tigiler qas qaqpay,Móldirlikke qushtar ma?!Kewilli «bazar» ashpaqta,Keń aydında quslar da.

Kún qızdı ma, tal túste,Balıqlar oynay basladı.Suw qubılıp hár túske,Kempir bet tolqın qapladı.

Balalar jetip shad bunda,Qosıqlar aytar jaǵada.Súńgisip, júzer aydında,Balıqlardan qala ma?!

Deydi olar tolǵanıp,Aydınǵa qushtar kóz salıp:— Tereńinde mol balıq,Beti tınǵan gózzallıq!!!