QUWANAMAN

Quwanaman, kún kúlimlep batqanda,Quwanaman, Ámiw tolqıp aqqanda.Móldir shıqtı jarqıratıp gúmistey,Quwanaman, tań rawan atqanda.

Quwanaman, shapaq jayıp kún shıqsa,Quwanaman, shólistanǵa gúl shıqsa.Quwanaman, jas bosanıp márt ana,Perzentinen ingá degen ún shıqsa.

Quwanaman, óskenime bostanda,Dos ústine dos arttırıp qosqanda.Quwanaman talwaslanıp hár kúni,Bir baylıǵım eki bolıp tasqanda.

Quwanaman, aytuwǵanda aspanda,Quwanaman, aq túńlikti ashqanda.Biytap bayǵus qáste bolıp jatırǵan,Quwanaman, tik ayaqtan basqanda.

Quwanaman, daq tiymese atıma,Quwanaman, sadıq bolsam antıma.Miynetimnen yad bolǵanday iz qalsa,Quwanaman, perzentpen dep xalqıma.