Qaraqalpaq, ózbek birge tuwısqan,Áyyemnen aǵayin, barıp-kelisken.Dushpan kelse birge qarsı turısqan,Shadlıqtı, qayǵını birge bólisken.
Urgench toyberse, Shımbayǵa «kel» der,Miymanı kelmesten toyın baslamas.Saparǵa shıqqanda «qatarda júr» der,Birin-biri qıyın jolda taslamas.
Biri kóz, biri qas ornında turǵan,Qassız kózdiń sirá sáni bola ma?Túsimiz bir, mısal bir ana tuwǵan,Uqsaydı egiz qız yaki balaǵa.
Berdaq Nawayını ustaz dep bildi,Onnan órnek aldı ómir jolında.Ǵafur da Abbazdı dál sonday kórdi,Ulgi etip shayırlardıń aldında.
Ustaz shákirt bolıp ósip kelemiz,Teń ata-balalı jetilip tep-teń.Bilgen ónerdi de teńdey bólemiz,
— XX ásir qaraqalpaq poeziyası antologiyası