SEN SONDAY SAQSAŃ
Muratbay NızanovSonday saqsań, muzday suwdı-ám úpleyseń,Awzıń kúyip, duqtır izlep júrmeyseń.Birew súyrep, birew meshewlese de,Táwekeldiń kóshesine kirmeyseń.
Tayawlamay tınıq suwdı keshpeyseń,Ózligińnen shiyelgendi sheshpeyseń.Jurtlar jeti ólshep, bir kesip atsa,Sen on tórt ólsheyseń, biraq, kespeyseń.
— XX ásir qaraqalpaq poeziyası antologiyası