Muratbay Nızanov

    Muratbay Nızanov — satirik jazıwshı.
M. Nızanov 1951-jılı Kegeyli rayonında tuwılǵan.
    Ol orta mektepti tamamlaǵannan soń Qaraqalpaq mámleketlik universitetin sırttan oqıp pitkergen, ózi tuwılǵan rayondaǵı M. Jumanazarov atındaǵı xojalıqta jumısshı, “Paxtakor” sport jámiyetinde instruktor, rayonlıq gazetada, “Jetkinshek”, “Sovet Qaraqalpaqstanı” gazetasında, sońınan Qaraqalpaqstan televideniesi hám radio esittiriw komitetinde aǵa redaktor, bas redaktor, televidenie boyınsha baslıqtıń orınbasarı lawazımlarında islegen, “Aral” jurnalınıń bas redaktorı, «Qaraqalpaqstan» baspasınıń direktorı, házirgi waqıtta Qaraqalpaqfilm direktorı.
    Satiriktiń “Usınday da boladı” , “Kúlkim keledi”, “Nıshana”, “Sizge bolmaydı”, “Adam kúldirgeni ushın”, “Jat jurttaǵı jeti kún”, “Aqshagúl”, “Rasın aytsań uradı”, “Adam jamanlasań zeyniń ashıladı”, “Eki qanxor”, “Ǵáziyne”, “Jakında kızıq boladı”, «Akshagúl», “Aqıret uyqısı”, «Dushpan» hám taǵı basqa gúrrińler, povestler kitapları sonday-aq, «Tańlamalı shıǵarmalar»ınıń 1-2 tomları basılıp shıqtı.
Ol sońǵı jılları kinoscenarist jazıwshı sıpatında “Tank”, “Urı”, “Kurort” sıyaqlı kinofilmleri menen keń jurtshılıqqa tanıldı.
    M. Nızanov 1991-jıldan Jazıwshshar awqamınıń aǵzası.