KÚTIW

Qansha suwlar aqtı onnan beri de?Atıńdı tilimnen túsirmesem hám.Qánáát etpedim teńewlerime,Qáwmetiń quyılǵan músin desem men.

Bul qapa kóńlime tikpegil ǵázep —Kel de — ahıńdı tók, meyli, ya naz et!Qullası, diydarıń hawaday hájet,Meyli, túsinseń hám, túsinbeseń hám.

Túsine almadım mına yalǵandı:Jaqın degenlerden kóńlim qalǵandı,Náylaj ótermiz be biz hám ármanlı? —Kúndiz — oyım, túni — túsimdeseń hám.

Maǵan dárman edi, janım, gápleriń,Mehir tolı kózler, otlı lábleriń!Tógilgende qatra-qatra dártlerim,Bir qanat qaqpadıń qusım desem hám.

Qaralanǵan qaǵaz... ońlı-solımda:Ishqı pidayısı ettiń sońında!Eger kelmes bolsań endi ońımda,Qıyal gúlzarınıń ishindeseń. Qal!...