Jiyenbay Izbasqanov

    Jiyenbay Izbasqanov — shayır.
J. Izbasqanov 1949-jılı 12-iyunde Shomanay rayonında tuwılǵan. Ol 1972-jılı Qaraqalpaq mámleketlik pedinstitutın pitkerip, tuwılǵan rayonında muǵallim, sońınan Qaraqalpaqstan televideniesi hám radio esittiriw komitetinde redaktor (1973-1982), “Jetkinshek” gazetasında bólim baslıǵı (1982-85), Jazıwshılar Awqamınsh juwaplı xatkeri (1985-89), Qaraqalpaqstan Respublikası Baspa sóz komiteti baslıǵınıń orınbasarı (1990-95), “Qaraqalpaqstan baspasında bas redaktor (195-2010) bolıp isledi.
Shayırdıń “Tulpar haqqında ballada” (1975), “Jaz ótkende” (1979), “Lirika dápterinen” (1982), “Balalıqtıń nesin aytasan” (1984), “Ómirge qushtarlıq” (1987), “Muhabbattıń almaz qırları” (1990), “Muhabbat lirikası” (1992), “Tańlamalı shıǵarmaları” (1993), «Jollarım uzaq» (1995) poeziyalıq kitapları jarıqqa shıqtı. Onıń ozbek tilinde “Shabandoz” (1987), rus tilinde “Jdu tebya” degen toplamları járiyalandı. Ol bir qansha klassiklerdiń shıǵarmaların Qaraqalpaq tiline awdardı.
    J. Izbasqanov Qaraqalpaqstan Respublikası Joqarǵı Qeńesiniń “Xúrmet jarlıǵı” menen sıylıqlanǵan. 2000-jılı “Saylandı shıǵarmaları”nıń 1-tomlıǵı ushın Qaraqalpaqstan Respublikası Berdaq atındaǵı mámleketlik sıylıǵı, 2005-jılı “Qaraqalpaqstan xalıq shayırı” húrmetli ataǵı berildi.
    Ol 1982-jıldan Jazıwshılar awqamınıń aǵzası.