Izbasar Fazılov — shayır hám Jazıwshılar awqamın dúziwshilerdiń biri.
I. Fazılov 1909-jılı Taxtakópir rayonında tuwılǵan.
Ol 20-jılları, dáslep Shımbaydaǵı internatta, sońınan Qazaqstandaǵı Orenburg qalasındaǵı áskeriy mektepte (1925-1926) bilim aladı.
1926-jılı Tórtkúl qalasına kelip awıl xojalıǵı texnikumına oqıwǵa kiredi hám onı pitkergennen son “Qızıl Qaraqalpaqstan”, “Jas Leninshi” gazetalarında juwaplı orınlarda jumıs isleydi.
Shayır burınǵı awkam Jazıwshılarınıń birinshi s'ezdine keńesshi dawıs penen delegat bolıp qatnasadı (1934).
    Shayırdıń “Jeńis jolında” (1934), “Qosıqlar” (1934,1959), “Aўıl báxári” (1975) atlı toplamları basılıp shıqtı.
I. Fazılov repressiyanıń kurbanı bolın jigirma jılǵa shamalas kamaqta bolǵan hám qamaqtan shıqqannan sońda dóretiwshilik penen shuǵıllanǵan.
    I.Fazılov 1934-jıldan Jazıwshılar awqamınıń aǵzası.