Suw boyında shayqatılǵan janım qara tal,Maǵan balzam, sen tımıqta shaqırǵan samal;
Maǵan tuwısqan hár shıbıǵıń hám burtikleriń,Seniń astıń - kindigimnen qan tamǵan jerim.
Anam saǵan baylap meniń átkónshegimdi,Terbetkende ırǵalǵansań hayyalap sen de.
Seniń úniń, tursań guwlep aldında tamnıń,Janıma únles ertegindey áziz anamnıń.
Keshki ińirde juǵırlasqan shoq shımshıqlarıńBergen maǵan shoq minezin, shoq qılıqların
Samal túrsa, sen bir tegis ırǵalıp oyshań,Saldamlıraq oy oylawdı úyrettiń maǵan...
Sonda ılay suw boyında, seniń sayańdaTuwǵan jerge tuńǵısh sezim mende oyanǵan.
Gá shejiresin baslaytuǵın ǵarrıday únsiz,Gá romantik jas qıyalday shuwlap tınımsız, -
Kulaǵımnan ketpes ele tuwısqan talım,
— Búlbil uyası
Bilim quwıp men qalaǵa sapar shekkende,Haq jol tilep, anam menen uzattıń sen de
Shadlıq, doslıq urqan atar ǵır aylanańda,Tuwǵan awılım ǵurǵınlasıp óser, sayańda.
Gúllene ber, tallı jaǵıs, paxtalı dalam,Men - seniń bir nart shıbıǵıń, men - seniń balań!