Gúlleri bar shoǵırlasqan,Misli Kreml shamları, -Kórgenińde zeyiniń ashqanKreshatik kashtanları.
Kórmegen edim Kievti,Ál hawaǵa ol tiyipti.Jaslıq lipasın kiyiptiKreshatik kashtanları.
Usı jerde qanlı sawashBolǵan deseń hesh inanbas,Bári sulıw, bári de jasKreshatik kashtanları.
Aldımda keń kóshe jatır,Ájayıp amfiteatr.Qatarlasqan qalıń shatır –Kreshatik kashtanları.
Sayańda sayranlap áste,Keldim sizge kúnde keshte.Siz bálentte, jollar páste,Kreshatik kashtanları.
— Búlbil uyası
Skamyańa barsam jaqın,Esittim ashıqlar «ahın».Saw bol tuwısqan dárgahım,Kreshatik kashtanları.
Japıraǵıń jaynap sonday,Urısqa nálet aytqanday.Ukrainanıń jaslıǵındayKreshatik kashtanları.
Mákanımsań shın bawırman,Sayańda sayranlap turman,Janım qurban, janım qurban,Kreshatik kashtanları.