Miyriwbettiń nurın quyıp janlarǵa,Júrek sháwkildesip, quwantıp eldi,Jarıq sáwle berip atar tańlarǵa,Jarqılıq, nawrızdıń bayramı keldi.
Kún kúlimlep, hawa rayı jónlesip,Diyqandı shaqırar atız «kel» desip,Usı búgin kún menen tún teńlesip.Kewillerge teńlik dáwranı keldi.
Jaslar jelkildesip, júzleri jaynap,Qartlar shúkiranalıq insabın oylap,Nawrızlıq gójeler búlkildep qaynap,Kópten kútken toydıń ánjamı keldi.
Bul jańa kún «Nawrız» dep atalıp,Miyrim-shápaattıń nurı tutanıp,Átkónshekler buldırıqqa pát alıp,Aqsham ayqulashtıń maydanı keldi.
Jámáát jám bolıp, qáwmi-qoǵamlar,Jeńgeyler naz etse, kúlip aǵamlar,Dásturxandı bezep tatlı taǵamlar,
— Búlbil uyası
Sazendeler sazlap jańlatıp sazın,Shańlaqta shaǵlasıp jurt qurar bázim,Qawıshıp kórisip abısın-ajın,Sallanısıp qız hám jáwanı keldi.
Jánjel dúnyasında bazar sawılǵan,Urıs joq, arazlıq joq, bárshe bawırman.Bar adamzat shıqqanday bir awıldan,Tatıwlıq múlkiniń sultanı keldi.
Jaqsı úmitler juwıp kewil ǵubarın,Dúzelgey dep arasattıń zamanıń,Ruwxı shad bolıp ata-babanıń,Awnap túsip jatqan xabarı keldi.
Haqtıń inayatı insan kewlinde,Miyribanlıq, miriwbettiń gúlindey,Shan-shawketli Ózbekstan elinde,Kún kúlimlep báhár áyyamı keldi!Jarqılıq, nawrızdıń bayramı keldi!