Ómir izleniwden tursa itimal.Izlenemen, kúndiz qolımda shıraq.«Izleseń tabarsań» degen de sóz bar,Durıs-nadurısın sınap kórmedim biraq.
Izleymen jol jurip, kitap aqtarıp,Jurttıń sózlerine qulaq salaman,Samaldan sorayman shóllerge barıp,Juldızlarǵa qarap oyǵa talaman.
Izleymen kún boyı bir kómik qazıp,Terim jawırnıma shıqqanǵa deyin.Izleymen tún boyı qosıqlar jazıp,Tańǵı uyqı kelip jıqqanǵa deyin.
Ańshı dúzge shıqsa izleydi tawshan,Tırna jalǵız qalsa tırnasın izler,Qızlar tań sáhárde bulaq basınan,Aqsham túsip qalǵan sırǵasın izler.
Hasla taxatım joq, hasla tózbeymen.Joq joyıtkan joqshıday salaman soraq.Ómirim boyı bir nárseni izleymen,
— Búlbil uyası